محشـش ورئيــس الجـــن

محشش ورئيس الجن



مره في محشش دقت فراسه الا يبغي يأجر البيت المهجور الي بفريجهم ،، لكن ما نصحوه الناس لانه فيه جني يخوف
بس ما سمع كلامهم واستأجره وسكن فيه


في أول يوم
حل الليل عليه واختفى نور القمر من غيمه سوده وبدى البرق والرعد والمطر يصب عليه ..
قام رئيس الجن و قال حق ربعه: انا طالع اخرعه وراد إلكم
طلع الجني و يلس عدال المحشش

وقاله : ممكن سيجاره ؟


جافه المحشش وقال: تفضل


نزل الجني عند ربعه وهو معصب وقالهم: الزفت الي عندنا ما خاف


رجع الجني نتف نفسه وخلى الدم يتنثر من يلده و طلع مره ثانيه عند المحشش

وقاله: ممكن سيجاره ؟


جافه المحشش وقاله: تفضل


استخف الجني ونزل عند ربعه وقالهم : هالمره بذبحه من الخوف .... قام
شال عيونه و لف راسه وانه قليل ادبر يده وطلع عند المحشش

وقاله: ممكن سيجاره؟


جافه المحشش وقاله: تفضل


اهني الجني طلعت في راسه نخله وطار عقله ونزل تحت ولعب في نفسه لعب
وطلع العمود الفقري وخلى يلده مشرح وقلب عيونه وطلع عند المحشش مره ثانيه

وقاله: ممكن سيجاره ؟


شافه المحشش باستغراب وقاله :
.
.
.
.
.

ما تلاحظ أن التدخين يالس يدمر مستقبلك